Токенжуулсан алт ба уламжлалт алт: ялгаа юу вэ?

Бичсэн: Evan Rouse | Санхүүгийн зохиолч

Токенжуулсан алт нь алтны арилжаанд блокчейн дээр суурилсан давхаргыг нэвтрүүлж, зах зээлд тасралтгүй нэвтрэх боломж болон өөр төрлийн үнэ тогтох механизмыг санал болгодог. Хэдийгээр токенжуулсан алт болон уламжлалт алт хоёулаа ижил суурь түүхий эдтэй холбогддог ч арилжаалагдах хэлбэр нь, мөн санал болгодог боломж ба эрсдэлүүд нь мэдэгдэхүйц ялгаатай байж болно.

Уламжлалт алтны арилжаа гэж юу вэ?

Уламжлалт алтны арилжаа нь ихэвчлэн спот алт (XAU/USD), фьючерс, ETF, эсвэл биет алт (буллион)-оор арилжаалахыг хэлдэг.

CFD арилжаанд алтанд ихэвчлэн спот зах зээлээр нэвтэрдэг бөгөөд үнэ нь өндөр хөрвөх чадвартай дэлхийн биржүүд болон институцийн хөрвөх чадвар нийлүүлэгчдээс бүрддэг. Эдгээр зах зээлүүд нь Лондон, Нью-Йорк зэрэг санхүүгийн гол төвүүдийн дагуу зохион байгуулалттай арилжааны цагийн хуваариар ажилладаг бөгөөд 24/7 тасралтгүй циклээр ажилладаггүй.

Иймээс идэвхтэй цагуудад хөрвөх чадвар өндөр байдаг ч эдгээр үеэс гадуур арилжаа түр зогсох эсвэл удаашрах хандлагатай байдаг. Энэ нь гэнэтийн мэдээ эсвэл амралтын өдрүүдийн өөрчлөлтөд шууд хариу үйлдэл үзүүлэх боломжийг хязгаарлаж болзошгүй.

Токенжуулсан алт гэж юу вэ?

Токенжуулсан алт нь блокчейн дээр цахим хэлбэрт оруулсан биет алтыг илэрхийлдэг. CFD-ээр токенжуулсан алтыг арилжаалах үед та эдгээр дижитал токенуудын үнийн хөдөлгөөн дээр таамаглал хийдэг бөгөөд токен өөрийг нь эсвэл суурь алтыг эзэмшдэггүй. Токен бүр ихэвчлэн нөөцөд хадгалж буй тодорхой хэмжээний алтаар баталгаажсан байдаг ч дижитал хөрөнгө хэлбэрээр арилжаалагдана. Жишээлбэл, XAU₮ (Tether Gold) болон PAXG (Pax Gold) нь уламжлалт биржүүдээс илүү блокчейн дээр суурилсан зах зээл дээр үнэ нь тогтдог. Үнэ нь зөвхөн уламжлалт алтны жишиг үнээс бус, крипто зах зээл дэх эрэлт, нийлүүлэлтээр тодорхойлогддог. Иймээс түүний үнэ нь уламжлалт алтны зах зээлийн хөдөлгөөнөөс гадна дижитал хөрөнгийн зах зээлийн онцлог нөхцөлүүд болох биржийн хөрвөх чадвар, арилжааны хэмжээ, мөн өөр өөр платформ дээрх худалдан авагч, худалдагчдын харьцаа зэргээс мөн хамаарна.

Үүний үр дүнд токенжуулсан алт зарим үед спот алтнаас бага зэрэг илүү үнэтэй эсвэл хямд үнээр арилжаалагдаж болно. Ийм зөрүү нь ихэвчлэн хөрвөх чадвар багассан үед, өндөр хэлбэлзэлтэй үеэр, эсвэл крипто болон уламжлалт зах зээлүүдийн хооронд арбитраж түр хугацаанд үр ашиггүй болох үед үүсдэг.

Хоёр арга хэлбэр хоёулаа өөр өөрийн онцлог эрсдэлтэй. Уламжлалт алтны зах зээл нь үндсэн арилжааны цагуудад ерөнхийдөө илүү тогтсон бөгөөд хөрвөх чадвар өндөртэй байдаг, гэхдээ зах зээл дахин нээгдэх үед — ялангуяа томоохон мэдээ эсвэл амралтын өдрүүдийн үйл явдлын дараа — үнэ цоорхой (gap) үүсч болно. Токенчлогдсон алт (Tokenised gold) нь тасралтгүй үнэ тогтоолтыг санал болгодог ч зарим үед хөрвөх чадвар бага, спрэд өргөн байж болох бөгөөд крипто хөрөнгөд хамаарах хүчин зүйлсийн улмаас үнэ нь үндсэн алтны зах зээлээс хазайж болно.

Гол ялгааг нарийвчлан харах 

1. Зах зээлийн цаг

Токенжуулсан алтны тодорхойлох шинж чанаруудын нэг нь бараг тасралтгүй бэлэн байдал юм. Токенжуулсан зах зээлүүд нь ихэвчлэн 24 цаг, долоо хоногийн 7 өдөр тасралтгүй ажилладаг. Ингэснээр арилжаачид макро эдийн засгийн өөрчлөлт, геополитикийн үйл явдал, эсвэл зах зээлийн хандлагын шилжилтэд уламжлалт арилжааны цагаас гадуур ч шууд хариу үйлдэл үзүүлэх боломжтой болдог.

Харин спот алтны зах зээл нь зохион байгуулалттай арилжааны цагаар ажилладаг. Хэдийгээр долоо хоногийн ихэнх хугацааг хамардаг ч, ялангуяа амралтын өдрүүдэд үнийн хөдөлгөөн гарч болох боловч арилжаа хийх боломжгүй завсар үе байдаг. Энэ ялгаа нь зах зээл хурдан өөрчлөгдөж буй эсвэл таамаглахад хүндрэлтэй нөхцөлд онцгой ач холбогдолтой байж болно.

2. Үнийн бүрдүүлэлт

Уламжлалт алтны үнэ дэлхийн зах зээлд тогтсон, хөрвөх чадвартай гүн гүнзгий, өргөн хүлээн зөвшөөрөгдсөн жишиг үзүүлэлттэй байдаг. Гэсэн хэдий ч токенжуулсан алт нь блокчейнд суурилсан экосистемд үнэлэгддэг. Энэ нь ерөнхийдөө суурь алтны үнийг хянадаг ч яг таарах баталгаатай биш юм. Үнийн зөрүү дараах шалтгаанаар үүсч болно:

• Биржийн хөрвөх чадварын өөрчлөлтүүд
• Зах зээлд оролцогчдын ялгаа
• Уламжлалт цагаас гадна тасралтгүй арилжаа хийх
• Крипто зах зээл дэх нийлүүлэлт ба эрэлтийн динамик

Үүний үр дүнд токенжуулсан алт, ялангуяа хөрвөх чадвар багатай эсвэл хэлбэлзэл ихэссэн үедээ алтаа тогтоохын тулд шимтгэл эсвэл хөнгөлөлттэй арилжаалагдаж болно.

3. Хөрвөх байдлын профайл

Уламжлалт алтны зах зээл дээрх хөрвөх чадвар нь ихэвчлэн институцийн оролцоо хамгийн өндөр байдаг томоохон арилжааны хуралдаануудын үеэр төвлөрдөг. Токенжуулсан алт нь тасралтгүй үнэ тогтох боломж олгодог ч хөрвөх чадвар нь платформ болон цаг хугацаанаас хамааран илүү тархай, хувьсамтгай байж болно. Ингэснээр өөр өөр арилжааны орчин бүрддэг:

• Уламжлалт алт: оргил цагуудад илүү гүн хөрвөх чадвартай, жишиг үнэтэй илүү нягт уялддаг
• Токенжуулсан алт: тасралтгүй нэвтрэх боломжтой ч хөрвөх чадвар багатай үед спред өргөсөх эсвэл үнийн зөрүү үүсэх магадлалтай

4. Арилжааны хэмжээ тогтоох

Токенжуулалт нь токенуудыг маш жижиг нэгжүүдэд хуваах боломжтой тул уян хатан арилжааны боломжийг бий болгодог. Ингэснээр та хялбархан хэсэгчилсэн арилжаа нээж, хөрөнгөө илүү нарийвчлалтай удирдах боломжтой болно.

Уламжлалт алтны CFD арилжаа мөн хөшүүрэг ашиглах боломж олгодог ч токенжуулсан зах зээл нь анхнаасаа хуваагддаг дижитал нэгж дээр суурилдаг тул гүйлгээ хийхэд илүү уян хатан байдлыг санал болгодог.

5. Зах зээлийн бүтэц, дэд бүтэц

Уламжлалт алтны зах зээл нь төвлөрсөн бирж, OTC сүлжээ, институцийн хөрвөх үйлчилгээ үзүүлэгчид тулгуурладаг. Гэвч токенжуулсан алт нь блокчейн дэд бүтэц дээр ажилладаг тул дараах онцлогуудыг бий болгодог:

• Төвлөрсөн бус эсвэл хагас төвлөрсөн арилжааны платформууд
• Ил тод гүйлгээний бүртгэл
• Тасралтгүй тооцооны орчин

Энэхүү бүтцийн ялгаа нь үнийн хөдөлгөөнөөс эхлээд зах зээл шинэ мэдээлэлд хэр хурдан хариу үзүүлэхэд хүртэл нөлөөлж болно.

6. Эзэмшил ба хөшүүрэг

Аль ч тохиолдолд уламжлалт алтны CFD эсвэл токенжуулсан алтны CFD арилжаалж байгаа эсэхээс үл хамааран та суурь хөрөнгийг худалдан авч байгаа биш. Харин та хөшүүрэг ашиглан үнийн хөдөлгөөн дээр таамаглал хийж байна.

Ингэснээр урт (авах) болон богино хугацааны (зарах) арилжаа нээж, бага хэмжээний эхний хөрөнгөөр зах зээлд оролцох боломжтой. Гэвч хөшүүрэг нь боломжит ашгийг нэмэгдүүлэхийн зэрэгцээ боломжит алдагдлыг мөн өсгөдөг тул эрсдэлийн удирдлага маш чухал. Учир нь таны позицийн хэмжээ эхний хөрөнгө оруулалтаас их байдаг тул зах зээлийн жижиг хөдөлгөөн ч таны дансанд харьцангуй илүү их нөлөө үзүүлж болно.

Анхаарах эрсдэлүүд 

Токенжуулсан алт нь шинэ боломжуудыг бий болгодог ч нэмэлт анхаарах зүйлс дагуулдаг.

Эдгээр зах зээл нь тасралтгүй ажилладаг тул үнэ ямар ч үед арилжаачид идэвх багатай үед ч хөдөлж болно. Ингэснээр гэнэтийн хэлбэлзэлд өртөх эрсдэл нэмэгддэг.

Мөн үнийн түвшин нь уламжлалт алтны зах зээлээс зөрөх магадлалтай, ялангуяа идэвх багатай цагуудад эсвэл хөрвөх чадвар хязгаарлагдмал үед. Энэ нь худалдааны гүйцэтгэл, үр дүнд нөлөөлж болно.

Бүх CFD арилжааны нэгэн адил хөшүүргийн байрлалууд нь ашиг, алдагдлыг нэмэгдүүлдэг бөгөөд зах зээлийн сөрөг хөдөлгөөн хурдан гарч болно.

Токенжуулсан алт ба уламжлалт алт: аль нь таны стратегид илүү тохирох вэ?

Дараах тохиолдолд токенжуулсан алт тохиромжтой байж болно:

• 24/7 арилжаа хийх боломж хүсдэг
• Крипто зах зээлийн онцлог хөдөлгөөнд суурилсан орчинд оролцохыг хүсдэг
• Арилжааны хэмжээг уян хатан тохируулахыг чухалчилдаг

Дараах тохиолдолд уламжлалт алт илүү тохиромжтой байж болно:

• Тогтсон жишиг үнэд тулгуурлахыг илүүд үздэг
• Үндсэн арилжааны цагуудад өндөр хөрвөх чадварт тулгуурладаг
• Уламжлалт санхүүгийн зах зээлтэй уялдсан макро стратегид анхаардаг

Практикт эдгээр нь бие биенээ үгүйсгэдэггүй. Ялангуяа өөр өөр зах зээлийн нөхцөлд хэрхэн ажилладгийг нь ойлгосноор та тэдгээрийг илүү өргөн хүрээтэй арилжааны стратегид илүү үр дүнтэй ашиглаж чадна.